Mizo rimawi kalphung leh a zia tihhmasawnna kawnga hma la turin hetiang lama tui thianho intelkhawmin ‘Project SWITCH by SWITCH’ an din a. He project hian Mizo music industry tana rahbi thar tuk turin hma an la dawn a, a huang chungah hian Mizo zaithiam leh rimawi khawvela hming chher tawh leh rawn chawr chhuak mek te pawh a huam vek dawn niin an pawl thuchhuah chuan an tarlang.
He project rawn bul tantute chuan, rimawi lamah Mizo zingah khawvel huap pawha zahpuiawm loh talent nei kan tam a, amaherawhchu a vawrh chhuaktu leh kalphung fel fai (industry standard) zawk siam a nih loh chuan, ngai leh ngaiah kan her kual reng mai dawn ni a an hriat avangin kawng thar zawh turin mahni tuina zawna hlawhtling leh Mizo industry hmangaihtu thianho chuan he “Project SWITCH” hi an duang chhuak ta niin an tarlang.
He project inhmel hriattirna leh bul tanna hla hmasa ber atan “Introduction Song – Project SWITCH” chu tlangzarh turin an peih fel ta a. He hlaah hian Mizo metal/rock khawvela hriat hlawh tawh Steward (Magdalene) chu rawn inlar (feature) in, an rimawi rawn chhawpchhuah tur hian Mizo music industry-ah thawm thar a nei ngeiin a rinawm.
“Introduction Song – Project SWITCH” hi July 23, 2026 (Ningani) zan dar 8:00-ah ‘Project SWITCH Mizoram’ YouTube Channel lamah thlir theih turin an rawn chhawpchhuak dawn a ni.
Project SWITCH by SWITCH project hmasa ber July 23-ah
