Mizoram Govt. Adhoc Aided High School Teacher Association (MIGAHTA) in Mizoram puma adhoc high school-te provincialise tura Mizoram sawrkar an ngennain awmzia a neih loh avang leh dinhmun hniam zawk, lumpsum grant -in- aid dinhmuna dah let tum an ni chu an duh lohna lantir an tum.
MIGAHTA sawi danin, sawrkar laka an thil phut a hlawhtlinna atan leh sawrkar laka an lungawiloh tihlanna atan Mizoram puma adhoc high school 80 chuangin mahni school theuhah July 21 & 22 hian badge dum an bel dawn a. Hei hian awmzia a nei lo a nih chuan July 23 & 24 ah zirlaite lehkha zirtir loin ‘No Teaching Day’ an hmang ang. Sawrkar atanga thu lawmawm an hmu lo zel a nih chuan July 27 & 28 hian mass casual leave lak an tum a, hei hian awmzia a nei lo fo a nih chuan July 29-31 chhung Aizawlah ‘Peaceful Sit-in Demonstration’ an nei dawn tih an sawi a ni.
Heti chung pawha sawrkar an ko ei zo lo a nih chuan, a aia na zawka hma lak zel an tum tih an sawi.
MIGAHTA chuan, lungawiloh an lantir tur hian a nghawng tur mipui leh sawrkar hotute hriatthiamna an ngen tih a sawi lawk a. An hmalakna chu thangthar, sawrkar hna zawng mekte tan a pawimawh dawn tih hriatpui turin Mizo mipui an ngen tih a sawi a ni.
Provincialise phutin lungawiloh lantir tum
