Lung in tang mek Pakistan prime minister hlui Imran Khan party te chuan Inrinni khian February 8 inthlanah vote tihchingpena awmkin an party thuneihna chang tur an laksak tiin ram pumah lungawilohna lantir an tum.
Pakistan Tehreek-e-Insaf founder Imran Khan chu Rawalpindi high-security Adiala jail a hmuh hnuah party Secretary General leh prime ministerial candidate ni bawk Omar Ayub chuan inthlanah khan nasa takin vote tih chingpen a ni a ti a.
PTI chuan ram pum huapin vote tihchingpen duh lohna lantirna party dang te nen an nei dawn tiin a sawi thu Geo News chuan a tarlang a.
“Thudik lailan duhin kan bei a ni” tiin AYub chuan a sawi a, an party chuan National Assembly speaker leh deputy speaker atan Amir Dogar leh Junaid Khan te chu an ruat thu a sawi bawk a.
Adiala jail pawna media miten an kawmnaah PTI’s central leader Sher Afzal Marwat pawhin Imran Khan chuan rammipuite chu March 2 ah inthlana vote tihchingpen an duhlohzia lantir nana kawtthlera chhuak turin a ngen a ni tiin Pakistaan chanchinbu lar Dawn newspaper chuan a tarlang bawk.
PTI ten March 2-ah lungawilohna lantir tum
