Mizoram Quarry Association chuan, dan lova quarry siamtuten chhiah chawi lova thil an kalpui avangin dan anga quarry kalpuia chhiah pe thinten an tawrh phah tih chief minister hnenah an thlen.
Mizoram Quarry Association hruaitute chuan nimin khan chief minister Lalduhoma hi a pisaah hmuin an harsatnate an thlen a. Dan ang thlapa Quarry kalpuitute an nih avangin chhiah pawh sawrkarah an pe tha tih sawiin, dan lova quarry siamten chhiah chawi lovin thil an kalpui a, dan anga quarry neite chauhvin lung an lak theih nan hma laksak turin an dil a. Quarry leh Explosive License chungchanga harsatna an neihte pawh an thlen a ni.
Chief minister hian an harsatna sawite chu chipchiar taka ziakin a hnena thehlut turin a chah a. Licensing chungchanga harsatna an tawh thin hun duh rei lutuk thin chu; anni mai ni lo midangte pawhin licensing rei hi an tuar tih sawrkarin a hriatpui thu sawiin, hemi kawnga harsatna sukiang tur hian sawrkarin single window clearance system kalpui dan a dap mek tih a hrilh a ni.
Quarry chhiah pe ve lote vangin tuar
