Lok Sabha-a Leader of opposition Rahul Gandhi chuan July 22 khan parliament monsoon session nikhatnaah tun hnaia entrance examination paper leak chungchangah sorkarin chingfel turin eng nge tih a neih tawh tiin a sawi.
Ram pumin examination system-ah harsatna lian tak a awmah kan ngai a ni tia sawiin Gandhi chuan Minister of Education Minister Dharmendra Pradhan hian thil thleng mek bulpui leh pawimawhzia hi a hrethiam lo a ni a ti bawk a.
“NEET chauh a ni lo, major examination tin pawh a huam vek a ni” tia sawiin, “Minister hian amah tih loh midang zawng zawng a dem vek ringawt,” tiin a sawi bawk.
National Eligibility cum Entrance Test (Undergraduate), or NEET–UG chu thil fel lo hrang hrang paper leak tih ten a bawm buai laiin UGC-NET chu exam integrity tihkhawloh nia hriat a nih avangin Educationtry chuan a cancelled a. A pahnih hian Central Bureau of Investigation (CBI) ten an chhui chiang mek a ni.
Exam pawimawh dang pahnih – CSIR-UGC NET leh NEET-PG te pawh fimkhur thu hlaah cancel-in a awm zui bawk.
“He ramah hian zirlai maktaduai tel thil thleng meka hlauhthawnna nei an awm a. Eng nge thil thleng mek leh Indian examination system hi tihbawrhbanin a awm ngeiah an ngai a ni,” tiin Rahul Gandhi chuan a sawi bawk a.
“Mi maktaduai tel te chuan i hausak phawt a, pawisa i neih chuan Indian examination system i lei theiah an ngai a, chu rilru tak chu Opposition te pawhin kan tawm a ni. Chuvang tak chuan Minister hnena zawhna awlsam tak kan pek duh chu : Hei hi systematic issue a ni e, systematic level-ah heng issue hi engtiangin nge chinfel i tum dan chiah tih a ni,” tiin a sawi bawk.
Supreme Court chuan medical entrance exam NEET-UG 2024 ah thil fel lo hrang hrang te petition thahnem tak a ngaihtuah mek bawk a, chung zingah chuan paper leak chungchang pawh a tel.
Union Education Minister Pradhan chuan member-in examination system laktlak loh a ti chu vanduaithlak a tih thuin a chhang a.
He issue-ah hian constructive discussion awm se a duh thu sawiin Speaker Om Birla chuan examination chungchangah zawhna siam a nih tawh chuan indian education system a nghawng dawna khawvel ngaihdan pawh a dang dawn a ni a ti a. “System tha zawk kan siam tur ani a. Examination tin te a fello tih vek erawh a dik lovang,” tiin a sawi.
Speaker thusawi hnu hian Rahul Gandhi chuan sawi duh a nei chungin thusawi phalsak a ni zui tawh lo thung a. Gandhi leh Opposition member tin deuthhaw te chuan House an chhuah tauhsan zui a ni.
Congress Deputy Leader Gaurav Gogoi chuan Pradhan chu bang tura ngiatin slogan aupui a ni zui bawk.
Rahul an sorkar zawt
