Congress MP Rahul Gandhi chuan tunlaia India rama lungalhthei man sang lutuk chu Adani Group vang niin a sawi.
He thu hi Nilaini khan sawiin Adani Group te chuan lungalhthei an lakluhna man chu a ti sang nasa lutuka hei hian electric eng chhit man a ti sang nasa hle a ni, a ti. Chanchinbumite hmaah he thu hi sawiin Adani group te hian lungalhthei man sang atanga mirethei-mipui hnen atanga pawisa an lak ringawt hi cheng vaibelchhia 32,000 lai a nih thu a sawiin mipui te min rawk nasa hle a ni, a ti.
Ni 18.10.2023 (Nilaini)-a press conference a neihnaah he thu hi sawiin,”Gautam Adani chuan Indonesia atangin lungalhthei a lei a mahse India a lo thlen chuan a man let hnih laiin a pung nghal a ni.
Adani hian India mi mirethei te te te hnen atangin cheng vaibelchhia 32,000 lai mai a laksak a ni,” tiin chanchinbumite hmaah a sawi a ni.
Rahul Gandhi-an Lungalhthei man sang vei
