A pum chhunga nau thla sarih mi pai chungin Egyptian fencer Nada Hafez chu Paris Games 2024-ah hian a inlan a, kumin hi Olympic-a a tel vawithumna a ni tawh nghe nghe.
Thawhtanni khan rai puar chung hian women’s sabre event-ah hnehna a chang a, American world number 10 Elizabeth Tartakovsky chu 15-13-a hnehin, round of 16 lamah erawh Jeon Hayoung of South Korea lakah 15-7-in a tlawm zui ta a ni.
Grand Palais-a a chak loh hnuah Hafez hian a khelh dana a inchhuan piahlamah an chhungkaw member thar tur naute an beisei hnaih chhoh zel laia Olympic inelna a hmachhawn thei chu ropui a tih thu a sawi.
Kum 2016 leh 2021-a Olympic ngun-hnam vai intihsiak lo hmachhawn tawh Hafez hian Egyptian hmeichhiate paukhauhzia leh eng dinhmunah pawh an beih hram hramzia a pholang niin a sawi bawk.
Rai chunga Olympic ngunhnam vai Egyptian fencer!
