Rajiv Gandhi pianchamah zahna hlan

Congress te chuan Rajiv Gandhi piancham 80-na pualin amah zahna leh chawimawina lantirin party chief Mallikarjun Kharge chuan Rajiv Gandhi khan Indian vaibelchhe tel te tan meichhe tiengin India chu kum zabi 21-ah dinhmun sangah a hlangkai a ni a ti.
Leader of Opposition, Lok Sabha Rahul Gandhi pawhin a pa memorial Veer Bhumi ah pangpar dahin zahna a hlan bawk a.
“Hriatthiamna ngah, inremna leh thil tha duhtu, Pa, i zirtirna te kha ka chakna niin India tana i suangtuahna te pawh ka tawm a, nangmah hrerengin i beiseina te ka tihlawhtling ang” tiin Rahul chuan X ah a post a ni.
India prime minister ni tawha naupang ber Rajiv Gandhi khan kum 1984 atanga 1989 chhungin prime minister dinhmun a chelh a, kum 1991 khan LTTE thihchilh pawl ten an tihlum a ni.
Congress president Kharge pawhin India chuan ‘Sadbhavana Diwas’ a lawm mek tia sawiin, “Rajiv Gandhi kha Indi fapa ropui a ni. Indians vaibelchhe tel te tan beiseina chhi engtu niin a hnathawk ropui tak avangin kum zabi 21 ah India a hlangkai a ni” a ti a.
“A hmalakna tam tak zingah vote thlak thei chin kum 18-ah a tihniam a, Panchayatiraj tichakin, telecom leh IT revolution a thlen a, computerisation programme kalpuiin, peace accords, women empowerment, universal vaccination programme leh new education policy hmangin zirna huapzo leh danglamna siama ram thlak danglamtu a kalpuia ni,” tiin Congress chief chuan a sawi a. “A pianchamah Bharat Ratna Rajiv Gandhi kan chawimawi takzet a ni,” tiin a sawi.
Congress general secretary in-charge communications Jairam Ramesh pawhin Rajiv Gandhi nun chu a tawi a, mahse a political life chuan nghawng a nei turu a ti thung a.
March 1985 budget kha economic policy a kalphung thar siamtu a ni tiin Ramesh chuan a sawi a.
Kum 1991 Lok Sabha election manifesto kha Rajiv Gandhi an darkar tam tak hun a hmanna a ni tia sawiin kha manifesto kha Rao-Manmohan Singh tena June-July 1991 reform an kalpui theihna behchhan a ni a ti bawk.
“Rambuai Assam, Punjab, Mizoram leh Tripura ah te inremna siamin peace accord ziah a ni a, party aiah ram a ngaih pawimawh zawk avanga remna thlen thei a ni” tiin a sawi.
“Rajiv Gandhi khan science and technology te societal application vision neiin chungte chuan drinking water supply, immunisation, literacy, oilseeds production leh telecom leh dairy development lamah nasa taka hmasawnna a thlen phah reng a ni” tiin Ramesh chuan a sawi bawk.
Kum 1985 khan thingtlang khua 1,65,000 te chuan tui thianghlim in turah harsatna namen lo an tawk a, kum 1989 a nih meuh chuan thingtlang khua 1,62,000 te chuan tui thianghlim in tur an nei tawh tiin a sawi bawk.
Oral polio vaccine siamna hmunpui din a ni tia sawi bawkin, India software expert powerhouse a nih theih nana sulsutu chu Rajiv Gandhi a ni tiin Ramesh chuan a sawi bawk.
Tuna ram tana chhuanawm em em instituion heng C-DAC te bakah financial institution heng National Housing Bank leh Small Industries Development Bank of India te chu Rajiv Gandhi hun laia din vek a ni a ti bawk a.
“New Education Policy of 1986 progressive values dah pawimawh em em kha Rajiv Gandhi sulhnu a ni bawk a, kha hmalakna avang khan vawiina Navodaya Vidyalayas te hi piang a ni,” a ti bawk.
“Vote thlak thei chin kum 18-ah tihhniam niin Swami Vivekananda piancham chu National Youth Day-ah hman a ni” tiin Ramesh chuan a sawi bawk a. “Vawiinah chuan heng self-government institution-ah hian elected representatives 3 million chuang awm tawhin chung zinga 40% chu hmeichhia an ni,” a ti bawk.