Rajya Sabha-a MP ni lai mek zinga 12 per cent te chu billionaire niin Andra Pradesh leh Telangana atangin an tam ber niin Association for Democratic Reforms te chuan an sawi.
Association for Democratic Reforms (ADR) leh National Election Watch (NEW) te chuan Rajya Sabha MP 233 atanga 225 te zirchianna an neihah an sum dinhmun te leh an chanchin kimchang te an enfiah a.
Tun Rajya Sabha MP ni mek zingah seat khat luah khah lohvin a awm mek a. Andra Pradesh atanga MP 11 atanga 5 lai (45 per cent) te, Telangana MP 7 zinga 3 te bakah Maharashtra MP 19 atanga 11 te, Delhi MP 3 atanga 1 bakah, Punjab MP 7 atanga 2, Haryana MP 5 atanga 1 leh Madhya Pradesh MP 11 atanga 2 te sum neih chuan Rs 100 crore a pel vek a ni.
Telangana atanga Members of Parliament (MPs) pasarih te sum neih belhkhawm hlut zawng chu Rs 5,596 crore lai a ni a, Andra Pradesh MP 11 te sum neih belhkhawm chu Rs 3,823 crore lai a ni a, Uttar Pradesh MP 30 te sum neih belhkhawm pawh Rs 1,941 crore lai a ni bawk.
Rajya Sabha MP ni mek 225 zirchianna neihah 75 (33 per cent) te chuan criminal case an nei vek a ni.
Rajya Sabha MP ni mek 41 (18 per cent) te chuan criminal case nei vekin an zinga pahnihte chuan tualthah thubuai an nei bawk.
Rajya Sabha MP ni lai mek pali te chu hmeichhia te laka thubuai nei an ni a. MP pali zinga pakhat Congress MP KC Venugopal chuan pawngsual thubuai (IPC section 376) a nei a. BJP MP 85 zinga 23 in pawngsual thubuai an nei bawk a, Congress MP 30 atanga 12, AITC MP 13 atanga 4, CPI(M) MP 5 atanga 4, AAP MP 10 atanga 3, YSRCP MP 9 atanga 3, NCP MP 3 atanga 2 te chuan an affidavit-ah criminal case an neih thu an tarlang vek a ni.
Rajya Sabha MP zingah thubuai nei tam
