Raltlan lut thar 1000 chuang la chambang

Tun hnaiah Zokhawtharah Myanmar atangin
raltlan thahnem tak an lut a, a tam zawk chu an khaw lamah an kir leh tawh. Mi sang khat vel chu Zokhawtharah hian an la chambang.
November ni 12 zan leh a tuk nilengin Myanmar-a Khawmawi leh Rihkhawdar velah Myanmar sipaite leh sipai sorkar paih tumtute nasa takin an inkap a, hei vang hian Zokhawthar-ah hian raltlan engemaw zat an lut a ni.
Champhai district-a Zokhawthar hi |iau kam khua an ni a, Myanmar lama Khawmawi nen |iau luiin a daidang. Khawmawi chhak Rihkhawdar hi Myanmar sipai leh police hmun pawimawh a ni a, |iau kam velah Myanmar sipai an duty thin bawk. Chung vela sipaite chu sipai sorkar paih tumtute nen nasa takin an inkap a, an khaw bul mai Zokhawthar-ah hian a khua khuain mipui an tlanchhia a ni.
Home department-in raltlan zat chhiarpui neih tur a ti ta a, khawtlang hruaitute nena tangrualin chhiarpui hi neih a ni.
Zokhawthar VC president Lalmuanpuia hnen atanga thu dawn danin, November ni 12 leh ni 13 tea an inkah avanga Zokhawthara raltlan lut thar hi mi 5000 vel nia chhut an ni a, a ralmuan deuh hnuah an kir leh nghal duak avangin a zat tak hi chhinchhiah hman a ni lo. Mahni khuaa kir lova Zokhawthar-a chambang rih hi mi 1,012 an ni. Naupang 416 an awm.
Mahni khuaa kir lehah pawh hian mi engemaw zat chu Zokhawtharah an la riak thin tih a sawi a, chhun lamah mahni khuaah an awm a, zanah Zokhawtharah an riak thin, a ti.
An ralmuang tawh deuh na a, inkap leh thut theiah an ngai a, chuvangin zan lamah hi chuan Zokhawthar-ah an rawn riak thin, a ti a, tun hnai teah an inkap zui lo na a, an inkap leh ang tih an hlau a, thuthang a awm thin bawk a, chuvang chuan an ralmuang tak tak lo tih a sawi.
Zokhawtharah hian raltlan awm sa an awm a, Myanmar buai vanga tlanchhia mi engemaw zat an awm. He khuaah raltlan awm mek hi mi 6,201 an ni a, Champhai district pumah raltlan 12,516 an awm mek.