Nungcha humhalhna dan, Wildlife (Protection) Act 1972 bawhchhiaa silai (ulhbun) hmanga ramar kapa tihlumtu chu man niin, court remtihna in jail-a dah a ni.
Aizawl DFO atanga thudawn danin, 2024 March 13 khan EF&CC department hnuaia Aizawl Sadar Range chuan report an dawn bawhzuiin ramar kaptu ni ngeia ngaih Lalchhandama (35) Saikhamakawn Aizawl chu an inah kalchilhin, an fridge-a ramar thi pakhat hmuh chu lak (seized) nghal a ni. Amah hi office-a koh nghal niin, a statement an la a, lehkha siam ngaite siamin March 14 khan man zui a ni a, court-a inlantir niin, chief judicial magistrate chuan a dan bawhchhiat – Wildlife (Protection) Act 1972 hnuaia Section 9, 39 leh 51 hmangin Central Jail-ah a dahlut nghal a ni.
Ramar kaptu jail-ah
