Rajya Sabha MP K Vanlalvena leh Chakma Autonomous District Council hotute chuan Union Home secretary for Border Management Dr Rajendra Kumar chu July 29 khan hmu in, India leh Bangladesh ramri hung vanga India mi ramri pawn lama awm phah ta te chu ngaihven turin an ngen.
MP leh CADC hotute hian Indo-Bangladesh ramri hung pawna India mi chengte chu an chungchang ngaihtuah a tul tih thlenin, fencing chhunga in leh lo dinsak an tul thu leh kum tam tak kal tawha BRTF kawngpui siam chuan ngaihsak a hlawh loh avangin sawrkar laipuiin ngaihsak thuai tura an duh thu an thlen. Kum 2021-a Bangladesh ramri hrula chengte hmasawnna tur project thehluh tawh tun thlenga hmalakna hmuh tur la awm lo chungchang an thlen bawk.
Union Home secretary hian a rang thei ang bera bawhzui sak a tum thu a lo hrilh a ni.
CADC hotute hi chief executive member Rasik Mohan Chakma, MLA; executive member Lakkhan Chakma leh adviser to CEM Molin Chakma te an ni.
Ramri hung pawnlama awm India khua leh tuite ngensak
