Dubai Tennis Championships a\anga disqualify a nih hnuah Russian tennis player Andrey Rublev chu a ranking point bakah a prize money dawn chhuhsak niin, a chunga hremna hi a khinlet hnuah a hloh tawhte hi pekkir leh a ni.
Russian hi Arab ram tournament semi-final match pakhata Alexander Bublik nen an inkhelh laiin a chet dan chu a infiammi lo tih a ni a, set thumnaa ‘call’ chungchanga inhnialna chhuakah line judge chu hmaichhanah a hrawk chiam a, Russian \awng hmang official pakhatin ATP supervisor Roland Herfel a hrilh danin Rublev kha line judge lakah Russian \awng a sumkar lo hle a, \awngkam mawi lo takin a ankhum niin a sawi.
ATP-in he mi chungchang a chhuichian hnuah hremna tichhuakin disqualify a nih bakah kha tournament behchhana rankings point leh prize money a hmuh turte chhuhsak a ni.
A chunga hremna hi a khinlet hnua rankings point leh prize money chu peklet niin, tennis kalphung a bawhchhiat vanga US dollar 36,400 (£28,700) chawi tura an hremna erawh a ding tlang thung.
A tumpui Russian-born Kazakh Bublik pawh khan inkhel tir lamah a thin tertek chhuak veng hman loin a racquet a vaw sawi a, 6-7 (4-7) 7-6 (7-5) 6-5 hnehna chang mah se dan bawhchhiaa puan niin, final-ah France player Ugo Humbert a hneh lo zui ta bawk a nih kha.
Ranking point leh prize money hmukir Rublev
