Ranvulhah chhungkaw 52,000 dawn innghat

Mizoramah chhungkaw engemaw zatin ran an vulh a, hna bera neih, ei berah neih chhungkaw 52,000 tling lo deuh an awmah ngaihah a ni.
Budget Session neih mekah Mizoram Economic Survey 2025-26 pharh a ni a, he survey bua a lan danin Mizoramah chhungkaw 52,000 dawn chu ranvulha innghat an ni.
Ranvulhtute sum lakluh zat pawh tarlan a ni a, kum khatah cheng nuai 1.20 atanga cheng nuai 3.00 vel an lalutah ngaih a ni. Ranvulhtu zawng zawngte zinga chhungkaw 60%-te chu, an sum thawhchhuah zawng zawng 98% chu ranvulh atanga an hmuh a ni.
Ranvulhtu zawng zawng hi chhungkaw 87,606 anga chhut a ni a, chhungkaw 790-in ranvulh insurance an ti.
Ranvulhah hian a tam ber chu vawk vulh an ni a, chhungkaw 47,479 an ni. Se vulh an tlem ber a, chhungkaw 522 an ni. Ranvulhtute hian vawk, bawng, ar, sial leh kel te an vulh a ni.
Ranvulhtu zat
Ran Chhungkua
Vawk 47479
Bawng 1976
Ar 34826
Sial 522
Kel 2803
Total 87,606