Valencia khelmuala 2-2 draw an hlawhchhuah \um khan tawpna hamrik ham a nih rualin England midfielder Jude Bellingham chu hnawhchhuah a ni a, an player langsar ber ni chho ta chunga red card tla chu Bernabeu club hian khinket an tum ngei tih ESPN lamin an tarlang.
Inkhelh bana referee report-ah chuan Bellingham hian a inhnialpui referee Jesus Gil Manzano chu \awngkam na takin a bei a, a \awngkam pawh a duhtui lo a, \awngkam mawihnai lo tak a chhakchhuak tih a ni.
Hun pekbelh minute kuanaah Bellingham hian Brahim Díaz-a cross a\angin mikhual team chakna goal ni thei tur a thun ngei a, mahse, pawmsak a nih loh avangin inkhel tawp rualin referee nen an inhnial a, Manzano chuan ban tawh hnuah red card a phawrh zui ta mai a ni.
Real Madrid coach Carlo Ancelotti chuan a star player thlavang hauhin, Bellingham khan referee tana ngaihthlak hrehawm leh official tina zawngin \awngkam a cheh lo tih a sawi a, Bellingham-a red card khan team pumpui a tiphu chiang hle niin a sawi.
Ancelotti chuan, “Midangte hliam thei zawng \awngkam a cheh lo a, sap\awnga ‘it’s a f—ing goal’ tih kha a ni mai a, kan zavaia kan rilru put hmang tho, a goal chianzia a sawina mai a ni. Referee zawk khan a tisualah ka ngai a, a thil sawiah khan Bellingham demna tur a awm lo.
“A thil tawn ngaihtuahin a khawsak dan kha tlemin lo chang deuh pawh ni se thil pangngai a ni a, midangte natna tur a ni mawlh lo,” a ti.
Real Madrid-in Jude Bellingham-a red card khinglet dawn
