Sairang thleng rel kawng sialnaa ram laksak zingah compensation la dawng lo an awm tih sawi a ni a, heng mite hian rel kawng hawn hma ngeia an sum dawn tur an dawn theihnan hma lak an tum.
The Aizawl Post thudawn danin, compensation la dawng lo nia sawite hi mi 14/15 vel an ni a, la dawng lo hrim hrim an awm a, an dawn tur anga chhut sak zat la dawng kim lo pawh an awm tih sawi a ni.
Ram laksak an nih man hi dawn tumin NF Railways hotute leh district administration lam an dawr fo tawh a, tun thlengin an la hlawhtling lo.
NF Railways hotute chuan rel kawng sial bak ram lak leh zangnadawmna kaihhnawih lam chu an hriatpui lo tih an sawi a. District administration lam pawhin theihtawp an chhuahpui chungin, Delhi-a Railways ministry hotu lamin heng mite tan hian an sum dawn tur pek duh loh chhan an nei nia an ngaih thu an sawi a ni.
Compensation la dawng lote atang hian, rel kawng hi hawn a nih hma ngeiin, anmahni thiam dan dana na zawka nawr tum an awm nia sawi a ni a. Nilaini khan Aizawl district bawrhsap Er Lalhriatpuia hoin compensation la dawng lote hi NF Railways hotute hi thukhawmin, thil awm dan inhrilhfiah a ni a, August 19 hian spot verification neih that leh nise an ti.
Rel kawng sialnaa compensa- tion la dawng lote lungawilo
