Sairang thlenga rel a luh hnuah Mizoramah khualzin an pung a, khualzin punna hi 84% chuang a tling.
Sairang thlenga rel a luh hnu, 2025 September a\anga 2026 June thleng khan Mizoramah khualzin 9,30,930 an awm a, chumi hma aia an punna hi 84.41% a ni.
Assembly \hutkhawm hnuhnung berah khan tourism minister Lalnghinglova Hmar-in khualzinte a\anga Mizoram sum hmuh a pun theih nana ruahmanna awm a sawi a, “Khualzinte an tam zawk leh Mizorama an awm rei zawk theih nan riahna, ei leh in leh tourism services-te quality tihchangtlun a, Mizorama kan service provider-te tihchak leh hmunhma tlawh tur a pun theih nan project te siam \hin a ni. Heng hmang hian tourism a\angin sum a luh tam zawk beisei a ni,” a ti.
Khualzin (tourist) an pun hnuah Aizawl leh a chhehvelah hotel leh homestay a pung tih a sawi bawk.
“Hotel leh homestay-te him, fai leh standard \ha tak an neih theih nan registration, inspection leh safety audit te tourism department-in a kalpui \hin a ni,” a ti.
Rel luh hnuah khualzin pung nasa
