Remal Cyclone a tleh a, hmun hrang hrangah harsatna a thlen. Mizoramah pawh he thlipui hian chhiatna a thlen a, vawiin thlengin a nghawng a la awm. Mahse a cyclone-a ber chu a liam tawh.
Mizorama Remal Cyclone-in chhiatna a thlen dan hi, thlipui vanga chhiatna ngawr ngawr ni lovin he thlipuiin a ken tel ruah vang zawka harsatna a ni.
Remal hi Bangladesh hmun thenkhat leh West Bengal hmun thenkhata tleh a ni ber a, Mizoram leh hmun danga mi kha chu a siper a ni.
State Meteorological Centre-in an chhinchhiah danin, May ni 27 khan thlipui hi a nat ber laiin darkar khata km 61 thleng thei khawpa chak a ni a, Remal thlipui hi a natna hmunah chuan km 100 chuang, km 120 chuang te a ni.
Mithiamte’n an lo chhut lawk angin, May ni 28 tlai lamah Remal hi a tawp a, mahse hemi hnu hian thli na vak lo chu thawk zui thei a ni tih a ni.
Remal hi Bay of Bengal chung zawna insiam a ni a, tuipui chunga insiam thlipui hian ruah a keng thin a, chu chu May ni 27 leh ni 28-a Mizorama sur kha a ni. A hnua mite pawh Remal ken tel anga ngaih chu a ni tho.
May ni 28-a Mizorama ruah sur kha a tam em em mai a, State Meteorological Centre-in an chhinchhiah danin, khami ni khan ruah tui mm 205 a tla a, Mizoramah ni khata a tlak tam ber tum a nih hial rin a ni.
May ni 27-ah khan ruah hi mm 80 a tla a, hei pawh hi tam tham tak a ni. Ni 29-ah mm 34 a tla leh.
May-ah khan ni 25 thlengin mm 198.8 a tla a, hei pawh hi May thlaa tlaah chuan a tam tia sawi tham a ni. Nikum May-ah khan mm 102.8 a tla a, chumi nena khaikhin chuan ni 25 thlenga kumin May thlaa ruah tui tla zat kha a tam. Mahse May ni 1 atanga ni 25 thlenga tla zat aia tam ni 28-ah a tla!
State Meteorological Centre-in an chhinchhiah danin, May ni 27 khan thlipui hi a nat ber laiin darkar khata km 61 thleng thei khawpa chak a ni a, Remal thlipui hi a natna hmunah chuan km 100 chuang, km 120 chuang te a ni.
Remal Cyclone a liam ta
