State sawrkar din Mizoram Resources Mobilisation Committee chuan an vice chairman Haukhuma Hauzel kaihhruaiin Ningani khan central government organisations ho an thutkhawmpui.
Sawrkar laipui hnuaia thawk department hrang hrang Mizorama awmte chu an hnathawh dan, an mamawh leh harsatna an zawt a. Sutkianpui dan a awm chuan Mizoram tan tun aiin an thawhhlawk lehzual an inbeisei tih an sawi. Custom department hnuaia kuhva rah tawlhruk, cheng vaibelchhe 131 hu man a nih tawh thu sawi niin, an man sa dahthatna hmun tur kudam an indaih lo chuan harsatna a thlen tih an sawi. Sawrkar laipui hnuaia thawktute hian state sawrkarin an chenna tur quarters ngaihtuah sak thei se an duh thu an sawi bawk.
Resources Mobilisation Committee leh central hnuaia thawkte inkawm
