One Direction member thin, group an kehdarh hnu, solo lama an kal tak hnu pawha member zinga lar zui ta ber Harry Styles chu rimawi khawvelah kum thum vel zet a thawm a reh hnuah a hla thar ‘Aperture’ nen a rawn kir leh ta a, he hla hi a album thar tur ‘Kiss All the Time. Disco, Occasionally’ atanga a lead single a ni.
“Aperture” hi Harry leh Kid Harpiin te phuah dun a ni a, Zirtawpni kalta(keini tan Inrinni a ni hman tawh) khan a tichhuak a. A album pawh hi March ni 6-ah a tlangzarh dawn a, 2022-a a album ‘Harry’s House’ hnua a album tlangzarh leh hmasak ber tur a ni a, khe album avang khan Grammy Award pathum dawngin, chung zingah hian Album of the Year pawh a tel nghe nghe a ni.
Tlangval kum 31 mi, Zoe Kravitz nena nikum August atanga in-date Harry hian rimawi khawvelah thawm nei loin han reh deuh vang vang mah se a album hi 2022-a Harry’s House a tlangzarh hnu lawk atanga a buaipui tan tawh niin a sawi
Rimawi khawvelah Harry a harh thar leh ta
