Kum rei tak innei loa an chen dun hrep hnuah tunkar Thawhlehni khan Portugal ramah Cristiano Ronaldo leh a bialnu Georgina Rodriguez-te chu langsar lo takin an inkutsuih ve ta nge nge e.
Inneihna hi Cascais khawpuiah private ceremony pui huau loin an kalpui a, chhungkhat laina leh thian tha zual bakah a team-mate thenkhat leh club lam mite bak an sawm zau vak lo niin a lang.
Ronaldo leh Rodriguez-te hi kum 2016 atang khan inhmutai tanin, a kumleh 2017-ah a vawi khatna’n an intawng a, chutih lai chuan Rodriguez hi Italian luxury fashion house Gucci store-ah dawr-nghak (sales assistant) a ni.
Portuguese player Cristiano Ronaldo hian tunhma pawhin nula chhe lo tak tak lo kawp ve tawh thin mah se a nu dahlal tak nia sawi niin, a hmeichhe kawp pakhat phei chu a nu ngaihtuahna avangin a then nia sawi thawm a awm a, Rodriguez nena an inkawp hnu hian innei mai lo mah se nghet takin an cheng dun a, a nu hriat loh laka a fate pawh a bialnu hian a chawi tlei tiin a sawi theih ang.
Kum 41 a tlin kumah an innei tha ve ta nge nge a; an inneih thlalak a phochhuahah Cristiano hian Georgina nena inneih zungbun an bun lai an tilang nghe nghe.
Manchester United, Real Madrid, Juventus leh tuna a club vawn mek Al-Nassr tana trophy la kim vek tawh Cristiano Ronaldo hian Ballon d’Or chawimawina pawh tum nga ngawt hui tawhin, footballer hlawhtling ber pawl a ni.
Ronaldo leh a bialnu innei fel
