Mizoramah tun aia rorelna dik a awm theih nan Mizoram Thalai Kristian Pawl hruaitute chuan political party hrang hrang headquarters office an tlawh.
MTKP Rorel 2023 chuan ‘Mizoramah tun aia rorelna dik a awm theih nan hma lak nise’ a tih chu bawhzuiin October 9 &10 2023 khan MTKP hruaitute hian political party panga – BJP, AAP, Congress, MNF leh ZPM Hqrs office an tlawh a. Rorelna dawhkan kil tura inbuatsaih mekte hnenah tun aia rorelna dik vawngnung leh tungding turin ngenna siamin, fuihna hun an hmang. Hei bakah hian an tan an tawngtaisak nghal a ni.
He hun hi MTKP office bearers leh executive committee member thenkhat Lunglei atanga kalte leh Aizawl Area TKP Coordination hruaituten an hmang a ni.
Rorelna dik duhin party office tlawh
