Rose water thatna
Hmeichhia ten rose water hi an vun enkawl nan an hmang thin a, eng nge a that dan tih leh eng vanga tha nge tih hria erawh kan tam lo hle awm e.
Rose water leh rose oil te hi khawvela vun enkawl nana hman hmasak pawl niin an sawi a, inbualna tur tuiah te pawlhin, vun tih no nan te pawh an lo hmang thin. Tunlaia vun enkawlna leh inhnawih chi chi hrang hrangah hian rose water leh rose oil te hi a telh nasa hle bawk.
Hei le, rose water thatna ni a mithiam te sawi kan rawn tarlang e:
1. Rose oil hian anti-inflammatory properties a neih avangin, rose water hman hian vun thak leh sen deuh tik tiak bakah vun sa deuh deuh huam huam te a tireh thei.
2. Vun tihfai tu tha tak a ni a, mawm leh bawlhhlawh dangin, vun kua hnawh tu tih fai nan a tha hle a, arngeng insiam tur te pawh a veng thei.
3. Facial leh steaming tih zawhah te rose water hman a tha hle a, vuna kua rawn inhawng zau te a tichip a, vuna thisenzam te tak te te (capillaries) te timarin, vun a rawng danglam bik awm tur te a veng thei.
4. Rose rim hi mi tihlim thei tu (mood enhancer) a ni a, chuvangin mi a tihah damin awm a tinuam riau thei a, mut te pawh a ti tui sawt thei.
5. Rose water hman dan tha leh awlsam ber chu zan mut dawna inhnawih hi a ni. Nilenga i hmaia bal kai zawng zawng te kha a tifai duak mai dawn a ni.
Rose water \hatna
