Ruahsur leh thlipui an tawrh hnuah England hmun tam takah power supply la nei lo
Thlipui Darragh an tawrh hnu leh ruahsur nasa takin a zui nghal avangin England ram hmun tam tak chuan power supply an la nei lo tluang zel a, ruahsur leh thlipui thleng thei tura hriattirna la chhuah reng a ni bawk.
Kartawp khan he thlipui tleh leh ruahsur hian hmun tam tak chhiatna thlenin, lirthei tlan theih loh khawpin hmun tam takah thingkung tlu a awm a, hei vang hian mi pahnih chuan nunna an chan bawk a ni.
Power supply lakluh kawngah pawh nasa taka buai zuiin, inbiakpawhna tam takin a tuar zui a, zin veivak tam tak chuan harsatna nasa tak an tuar zui bawk.
England leh Wales ram pum chu thlipui leh tuilian tuar thei reng nia la tarlan reng a ni a, nimin thleng khan hmun tam takah chuan mipuite fimkhur tura thuchah an la tarchhuak reng a ni.
Ruahsur leh thlipui an tawrh hnuah England hmun tam takah power supply la nei lo
