Ruang phurhnaah nuai 23 seng tawh

Social Welfare department-in ruang phurhna atan cheng nuai 23 chuang a seng tawh a, diltu mi 238 hnenah pek a ni tawh.
Ningania Social Welfare & Tribal Affairs department hnathawh thlirhonaa tarlan danin, ruang phurhna atan sawrkarin budget vaibelchhe 5 a dah zinga Rs. 23,33,314 chu diltu 238 hnenah pek a ni tawh. Dilna 82 a la awm a, online hmanga dil theiha duan mek a ni.
Tar pension (IGNOAPS), hmeithai pension (IGNWPS), disable pension (IGNDPS) leh National Family Benefit Scheme hmangin sawrkar kum kal mekah central share 2024 April to June atan nuai 250.28 leh state share 2024 April to September atan nuai 1695 pek a ni tawh.
Article 275(1) hnuaiah kum 2023- 2024 chhungin project 54 atan nuai 2897.97 chu implementing agency-a pek an ni tawh a, kum 2024- 2025 atan project 52 chu sawrkar laipuiin a pawmpui tawh a, sum hi nuai 2134.80 dah (allocate) a ni.
Eklavya Model Residential School hi tluang takin paruk kalpui mek a ni a, sak lai panga a awm a, sak belh tura tihfel tawh paruk a awm. Heng zawng zawng hi tha taka zawhfel a nih theih chuan EMRS 17 a awm dawn a ni.