Ruihhlo a hluar a, man tur pawh a tam. Mahse excise force te’n a ruihhlo-a ngau ngau aiin ruihhlo tihbuai mihring an vai uluk zawk rih a, Aizawl khawlai then fai lam an ngai pawimawh rih.
Mizoram Excise & Narcotics (MEN) department hotute chuan tunlaiin ruihhlo vanga harsatna tawk, khawlaia inlarte lam an hawi rih tih an sawi.
Aizawl khawlai a tawp a, chhun engah pawh langchang takin ruihhlo ti an awm a, heti lam hi tunlai chu hna pawimawhah kan dah a, a ruihhlo-a ngawr ngawr aiin mihring kan vei zawk rih, an ti.
Aizawl khawlaiah ruihhlo sulhnu hmuh tur a tam thu leh hmun lun laiah pawh ruihhlo hmanga inchiu leh rui hmuh tur a tam thu an sawi a, chuvangin ruihhlo vanga harsatna tawkte vai hna hi tunlaiin an ngai pawimawh tih an sawi a ni.
An sawi danin, ina haw lova khawlaia nileng zankhuaa awm, ruihhlo ti thin an tam a, khaw dang atanga ruihhlo ngaihtuah tura Aizawla lut, thlen in pawh nei mumal lo, an thlen tawpna hmuna riak mai mai te, kawng sir vela tei hawi ta mai mai te an tam a, Aizawl mi-ah pawh hmun lun laia ruihhlo lo khawih mawlh mawlh, mahni in lam pan nachang hre lo an tam.
Chutiang mite chu an khawm nasa tih an sawi a, ruihhlo vanga harsatna tawkte enkawlna hmuna dah pawh an nei nual tih an sawi bawk.
Ruihhlo aiin mihring vai uluk zawk rih
