Thalai zinga ruihtheih thil ti mekte chu a hnehtu nih tum turin chief minister Zoramthanga chuan a ngen Rajiv Gandhi Stadium Mualpuia XXI Mizoram Police Sports Meet 2023 a hawnnaah chief minister chuan Sports Meet chu police-te tana taksa leh rilru intuaihriamna hun pawimawh a ni, tiin, “Police-te chu rilru leh taksa hrisel nei reng tura ngaih in ni a, taksa leh rilru a hrisel that loh chuan kan hnathawhna lama a tibahlah thin. Tunlaiah ruihtheih thilin kan thalaite a tibuai nasain, police thenkhatte ngei pawh a tihbuai zingah an tel ang. Heng thil thalo lakah hian hnehtu nih tum tlat turin ka ngen a ni,” a ti.
Tunhnaia buaina leh harsatna hrang hrang awm thin lakah police-ten chhuanawm takin hna an thawk tih a sawi a. Ralthuam tawlhruk, ruihhlo tawlhruk leh smuggling chi hrang hrang chevel laka huaisen taka hma an lakna chu chhuanawm a tih thu a sawi. “In ngaihtuahna fim taka hmangin, huaisen a hunah huaisen takin, dawhtheih a hunah dawhthei takin, zaidam a hunah zaidam takin, ramdangmite tana entawntlak police tha ni zel turin a ngen tih a sawi.
Mizoram DGP Anil Shukla chuan Mizoram Police-in sports huangah India ram huapin hlawhtlinna an lo chang fo tawh tih a sawi a. Tunhnaia state police zawng zawng inelna, 71st BN Mullick Memorial Football Championship, Srinagar J&K a buatsaihah pawh Mizoram Police chu an champion tih a sawi. Police ten tha taka an hna an thawh theih nan rilru leh taksa hrisel an neih a tul avangin sports hi police-te thuamthatna pawimawh tak pakhat a nih thu a tarlang bawk.
XXI Mizoram Police Sports Meet, 2023 ah hian Police te chu contingent 12 ah inthen darhin discipline 18 ah inel a ni dawn a, police infiammi 1107 an intihsiakna ang. September 22 thleng a awh ang.
Ruihhlo hnehtu nih tum turin ka ngen – Chief minister
