Ruihna atana hman thin, codeine telna khuh damdawi bur 53100 chu Nilaini zing dar 2.00 vel khan Health department hnuaia Food and Drugs Administration leh Central YMA Kumpuan Committee tangdun chuan Aizawlah an man.
Thudawn danin, heng damdawi hi state pawn atanga rawn phurh luh, Aizawla transport courier kudam pakhat rawn thlenpui a nih laiin an nangching a, dan bawhchhiatna a awm leh awm loh endik atan Drugs Rules 1945 anga hren zui a ni.
Codeine telna khuh damdawi hi Mizoramah a ruk a rala lakluh leh thehthang a nasa hle tih sawi a ni a. Damdawi dawr atanga damlo mamawh zawkten an hmuh zawh loh laiin, a bur ruak erawh hmun tinah a awm rem rum thin a. Hei hian dan loa lakluh leh hralh chhuah a tam zia a entira ngaih a ni tih an sawi.
Ruihna’na hman khuh damdawi man hnem
