Ruihtheihthil kaihhnawihah
END-in nikumah 7313 man
Kum kalta khan Excise & Narcotics Department (END) chuan ruihtheihthil – zu leh ruihhlo kaihhnawihah mi 7313 an man.
Excise & Narcotics Department hian kum 2025 chhung khan heroin kg. 45.318 an man a, methamphetamine kg. 298.973 leh crystal meth kg. 48.061 bakah ganja kg. 226.607, opium kg. 1.193 an man a. Ruihtheih chi damdawi mum leh a tui chi engemawzat an man bawk.
Kum 2025 chhung vek hian rakzu litre 69983.000 an man a, zu bilh lai tin 138,588; a senchi (IMFL) litre 20938.315, Burma local (BEDC) litre 3054.570, Korean zu (Soju) litre 413.280, beer litre 23272.370 bakah ramdang siam a senchi (FML) litre 144.390 an man a; dawidim kg. 278.940 an man. Zu leh beer bik hi END hian a um zawnga chhut loin, an man hi a litre-in an chhut thin tih an sawi a ni.
Zu leh ruihhlo vanga dan bawhchhia mi 7313 manin, hemi kaihhnawihah hian lirthei 126 an man.
Ruihtheihthil kaihhnawihah END-in nikumah 7313 man
