Russia chuan Belarus ah tactical nucelar weapons a dah dawn tiin President Vladimir Putin chuan a sawi.
President Putin chuan an hmalakna tur chuan US in Europe a nuclear weapons a dah angin nuclear non-proliferation agreements a bawhchhe dawn lo tiin a sawi a.
Moscow chuan an raltham te Minsk thunun turin a dah dawn tihna a ni lo, tiin a sawi bawk.
US chuan Russia chuan he thu a sawi hnu hian nuclear weapons hman tumna a nei tihna a ni lo a ti bawk a. “Kan startetic nuclear siamrem a tulna leh a ngaihna kan hre hek lo” tiin US Defense Department chuan thuchhuah a siam zui bawk a.
“Nato alliance collectice defence chu kan ngaih pawimawh leh thupui ber a ni reng ang” tiin US state media thuchhuah chuan a tarlang bawk.
Belarusian regim ehi Kremlin ally niin Ukraine run pawh a tirphat atanga thlawp talttu a ni bawk a.
President Putin chuan karkalta Inrini zana Russian television a thusawina a neihah Belarusian leader Alexander Lukashenko chuan hun reitak ata tawh Belarus a nulear wepons dah a ngiat tawh tiin a sawi bawk a.
“Thil pangngai lo a nihna pawh a awm lo” tia sawiin, “pakhatnaah, United States chuan kum sawm tam a lo kalpui rtawh a ni a. An tactical nuclear weapons te chu an zawlpui ramah an lo dah tawh a ni” tiin a sawi.
Belarus a nuclear ralthuam dahna tur hi 1 July hma in Russia chuan a peihfel vek hman ang tiin President Putin chuan a sawi bawk a.
belarus ah hian nuclear weapons te kahchhuah theihna tura pawimawh Iskander tactital missile system te chu a thenazar dahdasa a lo ni tawh a.
Belarus ah hian a eng ralthuam ber nge dah luh tur a sawi lang lo va. Mahse, kum 1990 hnua Moscow in Russia ram pawna nuclear ralthuam a chhawpchhuah leh hmasak ber a ni dawn a ni.
Kum 1991 a Soviet Union a kehchhiat khan Russain nuclear weapons te chu independent state pali- Russia, Ukrane, Belarus leh Kazakhstan ah te a awm nuai a. Heng ram tina nuclear warheads te hi kum 1996 khan a zavaiin Russia ramah sawn fel a ni chauh a ni.
Hetihlai hian Ukraiian President Volodymyr Zelensky chuan Western ram te chu ralthuam tam zawk pe turin a ngen a. Karkalta tirlam khan ram 18 lai chuan inremna siamin Ukraine hnenah hian artillery shell one million thawnluh an remti a ni.
Kyiv in chhanglet
Kyiv chuan RUssian president Vladimir Putin chuan Belarus chu ‘nuclear hostage’ a siama tum tiin a sawi a. “Kremlin chuan Belarus chu nuclear hostage ah a siam ta a ni” tiin secretary of Ukraine’s National Security and Defence Council, Oleksiy Danilov chuan a sawi.
Russia hmalakna chu Belarus ram chhung ngelnghet lo zawka siam tumna kalzeltiin a sawi bawk a.
Valdimir Putin thusawi chuan Belarusian society ah Russia hnawlna nasa zawk leh duhlohna a thlen dawn a ti bawk.