Khawvel hmun hrang hranga Cup tournament an khelh thinah hian club lian hoin an team nem zawk khelhtir an ching a, hei vangte hi a ni ang a, division hniam lama awm team zingah thui fu fu thleng sawi tur an awm reng a, German Cup lamah pawh third-tier club FC Saarbrucken chu lasi thawnthu ang maiin kumin an rawn arh chho a, final thlen hial an inbeisei hman hnuah sihnih faia FC Kaiserslautern hneh loin last four an paltlang zo ta lo.
Kaiserslautern tan hi kum 21 chhunga German Cup final an chuankai vawikhatna niin, kum 2003 final-ah Bayern Munich an hneh lo.
Saarbrucken rawn chetha tluang hle khan DFB-Pokal semi an luhna kawngah German club hrawl pathum – Bayern Munich, Borussia Monchengladbach leh Eintracht Frankfurt an hneh a, mahse, final luh an beiseina erawh second half-a Kaiserslautern player pahnih Marlon Ritter leh Almamy Toure-te goal chuan a tihtawpsak ta a ni.
Nizan result tarlan hman loh semi-final hnuhnung zawkah Bundesliga hmahruaitu Bayer Leverkusen chuan Dusseldorf an hmachhawn ve leh.
Saarbrucken beiseina a thamral
