Sairang- Kolasib inkar kawng thawmthat mek CYMA-in en

Sairang leh Kolasib inkar national highway kawng siam mek chu Zirtawpni khan Central YMA hruaituten a hmunah an tlawh.
Central YMA chuan Mizoram mamawh chawkluhna kawngpui ber lirthei tlan theih loha a chhia leh khar hial ngaia a awm chu pawi hle tih an sawi a. Chief minister leh sawrkar thuneitute hnenah Mizoram hmun hrang hranga kawng chhia chungchangah hma la turin a lo ngen tawh thin a. State kawngpui pawimawh, khar hial khawpa sawrkarin a siamthat hna a kalpui mek chu a hmuna en tul an tih thu an sawi a ni.
Hnathawh mekna lai, Khamrang leh Kawnpui inkara kawng enin, kawng thaemthat hnathawk mektute nen thil pawimawh sawiho a ni a. Mualkhang, Khamrang leh Kawnpui Branch YMA hruaituten hma an lo lak tawhna pawh ngaihthlak niin, tun thlenga truck driver tangkhangte hnena eitur an pe thu sawi niin, hma lak zel dan tur pawh sawipui an ni. Sub-Hqrs YMA Kolasib hruaitute nen pawh kawng chhia chungchang hi sawiho a ni.
Zirtawpni tlai vek khan Kolasib district bawrhsap hoin kawngpui khar tak leh sawrkar hmalakna hrang hrang sawiho leh a ni a. Central YMA ngenna angin Sairang leh Kolasib inkar kawng chhia siam mek chu awmze nei zawk leh chak zawka hma lak zel an tum thu sawi niin, a tul anga hmalak zel dan tur pawh la sawiho nise tih a ni.