Kum 2018 atanga 2023 thleng khan Mizoramah sangha quintal nuai 2.79 thar chhuah a ni.
Fisheries department chhinchhiah chinah tualchhunga sangha thar chhuah hi 2018- 2019 leh 2019- 2020 sawrkar kumah khan quintal sing 7 a chuang ve ve a, a hnu lamah erawh quintal sing 6 pawh kan thar tling pha tawh lo a ni.
Hetihlai hian sawrkarin sangha khawitute hnena sangha dil tanpuina a pek chu 2019-2020 khan mi 188, 2020- 2021 ah 1759, 2021- 2022 ah 1449, 2022- 2023 ah mi 506 a ni.
Assembly Session-a zawhna chhangin Fisheries minister Lalthansanga chuan sangha manchhuah leh dila awm hi chhiarin sangha tharchhuah zat hi chhut thin a ni tih a sawi a. Sangha hi thar tam viau tawh tura ngaih kan nih laiin, kan thar tam loh chhan chu a note duh anga tha kan hmu zo thin lo tih a sawi. Sangha chi supply hun tha hi April/May vel a nih laiin, tunah hian a supply tur tender ko dawn ila, min supply thei an la awm lo a, heti lamah hian enfiaha siamthat an tum tih a sawi a ni.
Kum 5 chhunga sangha thar
(in quintals)
2018-2019 70241.30
2019-2020 70431.00
2020-2021 43043.10
2021-2022 45750.50
2022-2023 50298.60
TOTAL 279,764.50
Sangha quintal nuai 2 thar
