Sawrkar damdawi in tha tehnaah
Mizoram atangin pathum lang leh
India rama sawrkar damdawi in tha bik tehna, National Quality Assurance Standards (NQAS)-ah Mizoram atangin Health & Wellness Centre – Primary Health Centre pathum an tling thar a. Heti hian Mizorama HWC-PHC bikah target 57 awm zinga 43-in NQAS certificate hi an nei tawh.
National Health Mission Mizoram mission director Dr Lily Chhakchhuak sawi danin, NQAS national-level endiknaa tling thar South Lungpher PHC hian 86.10%, Bungtlang South PHC-in 87.86% leh Tipa PHC-in 90.90% an hmu a. He dinhmun thleng thei tura thawktute thawhrimnaah lawmthu a sawi.
Tun dinhmunah Mizoram-ah sawrkar damdawi in 57-in NQAS national level certificate nei mekin sawrkar damdawi in 16 leh HWC Sub-Centre 31-in national level assessment an dil leh mek.
National Quality Assurance Standards certified damdawi in hi endikna chhawng thum paltlang an ni a, a tawp bera endikna an hmachhawn hi National External Assessment niin, state pawn atangin assessor (endiktu) an lokal thin. Hetah hian a tehnaa 70% an hmuh tlin chuan certified an ni chauh thin.
Sawrkar damdawi in tha tehnaah Mizoram atangin pathum lang leh
