Sawrkar hmalakna thlawp turin ngen

ZPM vice president C Lalnunnema chuan sawrkar hmalakna leh ram hruaitute thlawp turin mipui a ngen.
Thawhtannia ZPM party office-a inkhawmah C Lalnunnema chuan, MLA inthlan campaign laiin ZPM chu danglam ngam tur an nih thu an aupui thin a. Pathian leh mipui zarah sawrkarna an chang ta a, famkim loin duhthusam ang duak duakin thil kal lo mah se, thla reilote chhungin chief minister Pu Lalduhoma kaihhruai ZPM ministry chuan ram tana thil tha tam tak a ti tawh tih a sawi a ni.
“Kalphung thar mipui sawrkar hian hmalakna leh hmachhawp thahnem tak a nei a; mipui pawhin sawrkar hmalakna kan thlawp a, kan ram hruaitute tan kan tawngtaipui fo a tul a ni,” a ti.