September 5-8 chhung Mizoram Civil Servicers Sports & Cultural Association Annual Sports Meet vawi 34-na chu Govt. Mizo High School Multipurpose Hall-ah Thawhlehni khan MCSS&CA patron, chief secretary Dr Renu Sharma chuan a hawng.
Chief secretary chuan kumtin August 29 hi Indian National Sports Day, hockey legend Maj. Dhyan Chan hriatreng nan kan rama inkhelmiten ram tan theihtawp an chhuah chawimawina hun atana hman thin a ni tih a sawi a. Infiamna hlutna hrang hrang – mahni invawn thianghlim, tumruhna, thawhhona tha leh taksa hriselna chu sawrkar pawhin a ngaipawimawh hle tih a sawi. Mahni hna theuha buai tak tak vek kan nih avangin Sports Meet chu taksa sawizawina hun remchanga hmang turin infiammite chu a chah a, rilru hahna tizangkhaitu hmanraw pawimawh tak ni ngei se a duh tih a sawi bawk.
MCSS&CA patron a nih angin, 2024 February 14-16 chhungin cultural items-a intihsiakna buatsaih a ni leh dawn tih sawiin, sawrkar phalna hmuh a ni tawh tih a sawi a ni.
Sports Meet hi then hniha then niin, then khatnaah hian infiamna hrang hrang -Chess, Chinese Checker, Badminton, Carrom leh Table Tennis-ah sawrkar hnathawk infiammi 300 vel an intihsiak dawn a. Thawh hnihna hi nakum February-a neih tur a ni.
Sawrkar hnathawkte infiam
