Fur lai a nih avang niloin, mimal induhsak zawkna avanga hna hrang hrang an thawh laiin khawpui chhung leh pawn kawngpui chu ZPM sawrkarin a ngaihsak lo hle tih Congress Thalai chuan an sawi.
Congress Thalai Hqrs. thuchhuak chuan, ZPM sawrkarin fur lai chhuanlama hmanga kawngpui a ngaihsak lo chu lirtheia eizawngte leh a chhawrtu mipui a ngaihpawimawh loh zia tichiangtu a ni tiin, Congress sawrkar kum 2018-a mipuiin chawl rih tura an tih hnua 2018 December 15-a MNF sawrkar lakluh a nih khan ministry hmasa in kawngpui siamnan Mizoram PWD-ah cheng nuai 8595.19 a hnutchhiah tih a sawi a. Tun MNF sawrkar liamta khan sawrkar thara kawngpui siamna atan PWD-ah cheng engzat nge a hnutchhiah ve, tih leh, a hnutchhiah ve loh vang nge ZPM sawrkar hian kawng siamna tur sum a nei lo tih chu an zawhna a ni tih a sawi.
‘Congress sawrkar lai khan sawrkar tirh, January- April inkarah Aizawl khawpui kawngte siam nghal vek a ni thin a, fur thlen hmain fel taka zawh a nih thin avangin Aizawl khawpuiah inkalpawhna kawng chhia sawi tur a awm ngai lo. Kumin hi kum 30 chhunga Aizawl khawpui kawng chhiat ber kum a ni,’ thuchhuah chuan a ti.
Enchhin tura inzuar, kawngpui tha leh tlo tiamtuten kawng siam aia duhsak zawngte sum leh chanvo tha hmanga vur a, mipui phurrit pawisa loa chhiah leh thil man tihsan chu ZPM kalphung a ni tih a sawi bawk.
Sawrkarin kawngpui siam ngaihthah – Congress Thalai
