Supreme Court a Chief Justice kaihhruai constitutional bench chuan July 11, 2023 Thawhlehni khan India ram danpui article 370-na chungchanga central sorkar ngaihdan leh thlirna chu sawiin hemi chungchang hi August 2, 2023 a ngaituah turin thu a ti tlu a ni. Central sorkar chuan constitution article 370 thiah a nih hnu a Jammu & Kashmir chungchang chu hetiang a sawiin, ‘hetiang ang hun ralmuang, hmasawnna tha leh hausakna’ hi J & K ah a la awm ngailo tiin, he central sorkar ngaihdan hi Supreme court chuan article 370 nuaibo a nih avanga constitution chona kawng a nilo, tiin a sawi.
Union Home Ministry chuan Jannu & Kashmir chu kum 30 chuang ram buai leh inlak hran tum ten chawk buaiin kum 2018 chhung ringawt pawh khan lunga invawmna (stone pelting) vawi 1767 a thleng a, mahse heng thil hi kum 2023 ah chuan engmah hriattur a awm tawh lova, kum 2018 a hel pawl zawm tura mihring buatsaihna (terrorist recruitment) chu vawi 199 lai awmin kum 2023 ah chuan vawi 12 chiah a awm a ni, tiim MHA chuan a sawi a ni. He constitution article 370 nuaibo chungchanga central infakmawina Constitution Bench Chief Justice kaihhruai chuan August 2, 2023 hian a ngaituah dawn a ni.
SC-in Article 370 sawifiah
