AAP Mizoram chuan zirlai zingah scholarship la dawng lo an awm tih sawiin, pekchhuah thuai a nih theihna’n hma la rang turin Mizoram sawrkar an ngen tih an sawi.
AAP student’s wing – Chatr-Yuva Sangharsh Samiti (CYSS) thuchhuak chuan, 2022- 2023 financial year chhunga tribal scholarship atan 1st instalment cheng nuai 1823.89455 hmuh a ni a. 2022 October 4-a sawrkar laipui atanga 1st instalment lokal tawh chu tun thlengin chinfel a la ni loa, hei hi central-ah state sawrkarin utilisation certificate a la thawn loh vang niin a sawi. Zirlai tam zawk dawn tur scholarship 2nd instalment chu central-in a lo la thawn theih loh phah a ni, tiin, rang taka buaipui fel thuai turin Mizoram sawrkar a ngen tih a sawi.
‘Zirlaiten an zirna kawngah an senso phuhruktu tur an scholarship a hun taka an dawn theih loh avangin harsatna an tawk a, zirna chhunzawm thei loa chawlhsan phah hial an awm thin. Sawrkarin zirlaite harsatna hriatthiam pui a, rang taka an harsatna chinfel sak thuai turin kan ngen a ni,’ a ti.
Scho’ pekchhuah thuai ngen
