School kum 25 tlin an lawm
Govt. C Zakhuma Higher Secondary School Kolasib chuan Ningani khan an school din champha vawi 25 na, Silver Jubilee an hmang a. Kolasib bialtu MLA, deputy speaker Lalfamkima’n a hmanpui.
Govt. C Zakhuma HSS hi kum 1999-a din a ni a, arts leh commerce stream neiin co-curricular activities engemawzat a awm a, kuminah zirlai 299 an nei.
He school hi a din tirh chuan PU leh secondary kalkawp tir thin a ni a, chutiang a hun rei tak an kal hnu in kum 2005-ah morning college chu titawpin higher secondary pumhluma leh a ni.
Kum 2000 khan lumpsum aided a dah a ni a, 2008-ah adhoc aided-a dah niin, 2018 khan sawrkar school-a hlankai a ni. He school hi mipuiin thahnemngaia din, sawrkar higher secondary school-a hlankai awmchhun nia hriat a ni.
School kum 25 tlin an lawm
