Govt TS Luaia Middle School, Rengtekawn Kolasib chuan an kum 25 tlin, Silver Jubilee chu Inrinni khan an lawm a. Kolasib bialtu MLA, minister K Lalrinliana’n a hmanpui.
Minister chuan school bultumtu (donor), fam ta Pu TS Luaia chuan tun dinhmun hi hmu thleng ve se a lawm hlea a rin thu a sawi a. School bul tan tirh laiin a hmun chu ngawpui hnuai a nih avangin naupang sikul kal tur an awm lo mai ang tih a hlauhthawnawm thu te, School pan chhohna pawh bumboh tak a nih thu te sawiin, zirtirtute leh khawtlang hruaitute leh tlawmngai pawl te inpekna avangin tun dinhmun hi an thleng a ni tih a sawi
Jubilee lawmnaah school zirtirtute leh zirlaite bakah sawrkar official-te, khawtlang hruaitute, tlawmngai pawl hruaitute leh sawm bik mi thahnem tak an tel.
Govt TS Luaia Middle School hi 1996 January 15-a din a ni a. Silver jubilee chu Covid-19 len avangin a hun taka lawm thei loin, tunah hian an lawm ta a ni. School hian zirna piahlamah Faina Hapta inelnaah tum 7 pakhatna hauhin, pahnihna leh pathumna pawh tum engemawzat an lo la tawh a. Tunah hian dinhmunah headmaster leh thawktu 9 awmin, zirlai 116 an awm a ni.
School kum 25 tlin lawm
