‘BBBP ( Beti Bachao Beti Padao) Adopt a School’ programme atana thlan Govt Serchhip High School-ah Women & Child Development director Zoramthangi Chhangte chuan computer leh lehkhabu a hlan.
100 Days Special Awareness Campaign under Sankalp, Hub for Empowerment for Women (HEW) Serchhip District buatsaih kalpui mekah Inrinni khan BBBP Serchhip-in ‘adopt a school programme’ atana sikul a thlan Govt Serchhip High School-ah heng bungrua hi hlan a ni a. W&CD director chuan India ram hmun hrang hrangah hmeichhiate dinhmun a la tha loin, hmeichhiate chu phurritkan ni thin a, chuvangin nausen hmeichhia atang puitlingte tan sawrkar laipui chuan hmeichhe dinhmun chawikannan dan hrang hrang siamin, a bika hmeichhe naupang chawikannan BBBP hi a duang tih a sawi. Hheichhe dinhmun chawikanna turin khawtlangin kan rilru puthmang thlak a ngai tih a sawi a ni.
BBBP hmalakna – ‘Adopt a School Programme’ hnuaiah Setchhip district-ah Govt Serchhip High School chu sikul enzui bik atan thlan a ni a; zirlaiten zirna kawnga hma an sawn zelna tura tangkai taka an hman turin computer set pathum leh library-a dah tur lehkhabu hi pek an ni.
BBBP Adopt a School programme hnuaiah hian zirlaite hmasawnna kawnga pui turin library din a ni anga; spoken English bakah mathematics special class leh skill development programme, awareness programme hrang hrang neih a ni thin dawn a ni.
School thlan bik tan bungrua hlan
