SCERT buatsaihin Incentive Cash Award for Proficiency in Science and Mathematics chu Ningani khan sem a ni a. HSLC leh HSSLC-a science leh mathematics subject-a top 3 hnenah lawmpuina sumfai leh memento hlan an ni.
Hmanpuitu School Education minister Dr Vanlalthlana chuan zirlaite tiphur tura tum 46 lai Cash Incentive Award pek a ni ta chu lawmawm a tih thu a sawi a. Science leh mathematics chu zirna peng pawimawh tak, khawvel changkanna thang zelah ngaihpawimawh loh theih loh a ni, tiin, technology chak taka thang chho zel umpha turin zirlai leh zirtirtute insiamrem thiam a pawimawh tih a sawi a ni.
HSLC-ah science subject-a zirlai 38 leh mathematics-ah zirlai 25-ten award hlan a ni a. HSSLC-ah mathematics, physics, chemistry leh biology-a titha zirlai 18 ten an dawng a ni.
Incentive Cash Award for Proficiency in Science and Mathematics hi Science Promotion Wing (SPW) SCERT bultum niin, kum 1978 atang khan Prof. LN Tluanga kaihhruaia bul tan a ni.
Science leh maths-a zirlai tithate hlan
