Reaserch lam leh zirtirna lama khawvela university tha zinga sawi, Stanford University-in khawvela scientist a tih a thlan chhuah mi nuai hnih chuang zingah Mizoram University hnuaia thawk faculty panga leh research scholar pakhat an lang.
Heng thlanchhuahte hi – MZU Department of Environmental Science ami Dr Prabhat Kumar Rai, Department of Computer Engineering ami Dr VD Ambeth Kumar, Department of Chemistry ami Dr Joydeep Das, Department of Forestry ami Dr Uttam Kumar Sahoo, MZU constituent college – Pachhunga University College Department of Physics ami Dr Dibya Prakash Rai leh, MZU-a post doctoral ti lai Dr Sushanto Gouda (Department of Zoology) an ni.
Kumin September 17 khan Stanford University hian scientific field 22 leh sub-field 174 tarlanna list a ti chhuak a. ‘Mithiam’ a tih tehfung atan hian khawvela hman tlanglawn ber ‘citation metric’ hman niin, khawvela researcher-ten nghawng an neih dan thlirin he list hi siam a ni a. Scientist tha an tih mi 223252 an thlanchhuah zingah hian India ram atangin 5352 an lang a, kum 2023-a lang zat (4635) aiin kuminah India ram atanga lang hi an pun belh a ni.
Scientist tha thlan zingah MZU hnuai ami 7 lang pha
