February 20-22 chhung hian Synod Executive Committee (SEC) thutkhawm vawi 306-na neih a ni.
Thutkhawm hi moderator Rev R Vanlalnghaka’n kaihruaiin Synod secretary Rev PB Mankima’n report a pe a, Rev VL Luaia Hranleh chuan finance officer report a pe bawk.
Secretary report-ah hian Synod Inkhawmpui vawi 100-na tluang taka neih a nih thu, MCC lungphun phum thu, Synod Inkhawmpui vawi 100-na in a rel bawhzuia Pastor bial thar hawn thu, pastor leh pro. pastor induction neih thu, pro pastor orientation neih thu, minister pali – Rev T Lalthantluanga, Rev TM Thangzaliana, Revd Dr Chuauthuama leh Rev Alfred Lalruatfela ten chatuan ram an pan thu, BD zir tur lak thu leh Synod Hospital compound chhunga damlo kantute tan chawlhbuk sak leh hawn a nih thu tarlan a ni.
Tun tum SEC thutkhawmah hian thu 62 ngaihtuah a ni a, ruahman lawk ang chuan vawiin – Ningani hian zawh a ni ang.
SEC thukhawm nei mek
