A hausakna chu dollar tluklehdingawn 1.3 a tling tawh niin a chhut a, mahse, Selena Gomez chuan a hausakna a chapo pui hran lo. A film thar Emilia Perez, New York Film Festival-a premiere-na red carpet-ah billionaire a nih chungchang an lo sawi pui a, Gomez chuan, “A lawmawm khawp mai,” a ti a, “Sum leh pai lam sawi hi ka nuam tih zawng a ni lo, mahse, kan kutchhuak lo leitu zawng zawng te vang chauh a ni. Ani chu he ka duhthusam ram ka thlen theihna chhan an ni a, a lawmawm tak zet a ni,” a ti.
Bloomberg-in September ni 6 khan Billionaire List an tichhuak a, hetah hian a vawi khat nan Selena Gomez a lang a, a hausakna hi dollar tluklehdingawn 1.3 angin an chhut a, a sum hmuhna lian ber chu a cosmetic sumdawnna Rare Beauty niin, he company hi 2019-a a din kha a ni. Hei bakah hian a music catalog leh lemchanna leh brand partnership leh real-estate te chu a sum hmuhna lian dang a ni bawk.
Selena Gomez-i’n Billionaire nih lawmawm a tih rualin sum chungchang sawi nuam a ti lo
