Shiv Sena (UBT) president Uddhav Thackeray chuan Election Commission-in Maharashtra Chief Minister Eknath Shinde chu real Shiv Sena tia an pawm zawk hnuah political party tin te chu mit menga an fimkhur a ngaih thu a sawi.
Election Commission (EC) chuan kar kalta Zirtawpni khan Shinde kaihhruai Shiv Sena te chu party symbol ‘bow and arrow’ hman phalna a pe ta zawk a, chu chu Thackeray, a pa Bal Thackeary-an kum 1966-a Shiv Sen dintu tan chuan na tak a ni.
“Eng nge Shiv Sena laka thil thleng hi, kan chunga an chet dan hi in chungah pawh a thleng thei vek. Party tin te meng rengin an fimkhur a ngai a ni,” tiin Thackeray chuan a sawi a.
“Ka pa hmel in duh a, a fapa erawh in duh lo. Ka pain a thutiam te tihhlawhtlin tuma hma ka lak laiin min hnawl a, eng nge tih theih ka neih?” tiin Bharatiya Janata Party te chu a kap bawk.
“Chief Minister nih ka duh ngai lo reng reng reng a, mahse Congress leh NCP ten min ngen a, ka ni duh lo a nih chuan sorkar siam theih a ni si lo a ni. BJP ten an thutiam tihlawhtling suh se, Shiv Sena leh BJP ten kum hnih leh a chanve ve ve Chief Minister nihna kan chang mai tur a nia,” tiin a sawi bawk a.
“Kan party mi thenkhat ten min chhuahsan a. Min chhuahsan duhte chu an kal thei a lawm, mahse, party dangte nen an inzawm a. Kei erawh ka chenna in atanga min paih chhuaha thuneihna lak an duh a ni,” tiin a sawi bawk.
Ka pa khan heng mite hi a enkawl an nia, Shiv Sainiks tena an thlawp an ni bawk a. Tunah erawh neitu nih duhin kan institution te lak vek an duh a, a neitu nih vek an duh a ni. He ramah hian eng nge thleng mek le, tiin zawhna a siam bawk a.
Mahse thil thleng mek chu mitha te thin a rim a, thil thleng leh awm dan chu a dik lo an ti a ni, tiin Thackeray chuan a sawi bawk.
Union Minister Amit Shah chu elsenin Thackeray chuan, “Mogambo khush hua” tiin Election Commission order chu a sawi bawk a. Thackeray chuan BJP te chuan Congress leh Nationalist Congress Party (NCP) te nena tangrual lo thei lovin a nawr tiin a sawi a.
“BJP ka chhuahsana Hindutva ka chhuahsan lo. BJP te hindutva mite thendarh hi ka pawm ve lo. BJP te hian Hindutva dik lo an thehdarh a, tunah chuan hijab leh tih te bawng talh tih te inthlan dawn aupuiin tih thawhin an awm a ni. Tun hnaiah Mumbai-ah Hindu Akrosh Morcha an aw a. Eng vangin nge leader thitithei takin ram rorelna a lekkawh laiin Hindus ten ‘akrosh’ an siam ang” tiin zawhna a zawt bawk a.
Prime Minister Narendra Modi beiin Thackeray chuan, “India chak duha kan vote hruaitu chu a chak ta em em a, ram erawh a chak lo tial tial thung,” a ti.
EC-in Shiv Sena hming leh party symbol te Shinde faction te hnena a pe chu thil dik lo tia sawiin, “Hei hi politics tuinu a ni a. Shiv Sena te i bei duh a nih chuan poll field ah ngei beiin mipui ten duhthlang rawh se,” tiin a sawi a.
Thackeray chuan Shiv Sena chu Muslims leh north Indians te tei thei lo a ni ngai lo a ti bawk a. “Mi tu pawh India motherland anga ngai te chu kan unau te an ni,” tiin a sawi.
Court-ah kal nghal
Uddhav Thackeray chuan Election Commission-in Shiv Sena hming leh symbol te Eknath Shinde leh a pawl te hnena a pek chu duh lovin Supreme Court-ah a zualko nghal a.
Senior advocate Abhishek Manu Singhvi chuan Thackeray kaihhruai Sena faction tena an ngenna chu Chief Justice Dy Chandrachud bench hnenah ngaihtuah nghal turin ngenna a siam a. Mahse CJI chuan order a siam nghal duh lo thung.
“Dan chu mi tin tan thuhmun vek a ni a, left, right emaw centre a ni emaw a inang vek. Naktukah lokal ula kalphung pangngaiin tih a ngai,” tiin bench chuan a sawi.
Election Commission chuan Sena symbol ‘bow and arrow’ chu rorelna chelh mek Shinde pawl te hnenah an hman turin a pe a. Shiv Sena hi kum 1966-a Uddhav Thackeray pa Bal Thackeray-an a din a ni.
Nikum June thla khan Shinde chuan Sena MLA 40 te chu tlantauhpuiin BJP te thlawpna nen Thackeray sorkar paih thlain sorkar-na a siam zui a ni.