Ivory Coast rama khelh mek Africa Cup of Nations (Afcon 2023) ah thawh\an zan khan champion lai Senegal an inlan a. Senegal hian an trophy kawl mek humhim an tumna kawngah an khelh hmasak berah si thum falo lh nghal. Senegal an chak laiin Cameroon an chak zo lo ve thung.
Segenal hian Stade Charles Konan Banny de Yamoussoukro-ah Gambia an hmachhawn a, champion zia an chhuah a, an khel \ha hle. Inkhel \an a\anga minute lina lekah Pape Gueye chuan Sadio Mane siamsak a\angin hmahruaina goal a thun nghal. Hma taka goal an thun vangin inrintawkna sang zawk nen an inlan a, tam zawk an nih hnuin goal hnih an thun belh zui leh.
Champion lai lakah hma taka goal an chhuah hnuin Gambia an insiam\ha a, an khel \ha zui hle. Khel \ha chho viau mah se chawlhlawk dawn hnaiah an buai lehzualna tur a thleng a, minute 45+8 ah Ebrima Adams hnawhchhuah a ni. Goal khat an phurh bakah tlem zawk ni chungin chawlhlawk an hmang.
Tam zawk an nih hnuin Senegal hian chawlhlawk hnu lamah goal hnih an thun belh zui leh. Lamine Camara chuan minute 52-naah an goal hnihna a thun a. Camara hian hun tawp dawn hnaih minute 86-naah Ndiaye siamsak a\angin an goal thumna a thun zui leh a, an hmahruaina a tizau. Hun tawp thlengin goal dang a luh belh thei tawh lova, Senegal chuan si thum faiin hnehna an chang zui ta a ni.
Senegal hi Group C-ah Cameroon, Guinea leh Gambia te nen an awm tlang a, thawh\an zanah si thum faia Gambia an hneh laiin an elpui lian tur Cameroon chu Guinea lakah an chak zo lo. Guinea hian Cameroon lakah goal an thun hmasa a, minute 10-na lekah Mohamed Bayo chuan hmahruaina goal a thun. Tlarhma nei hriam lo Cameroon hian goal an thun thei lawk lo. Minute 45+3 ah Guinea player François Kamano hnawhchhuah a ni. Tam zawk an nih hnuin minute 51-naah Frank Magri chuan an si phurh a sut thei hram a, tlawm an pumpelh thei hram chauh a ni.
Senegal an chak nghal
