Senior journalist thi

Senior journalist thi
Senior journalist, MJA Champhai District president hlui Lalhmingmawia Pachuau (64) chu November 21 zan dar 10.10 khan cancer vangin a thi a. Zirtawpni khan an chenna Champhai Vengthlangah vui a ni.
MJA Champhai District tum li ni tawh Lalhmingmawia Pachuau hi Champhai district Samthang khawchhuak a ni a, zirtirtu hna a thawh reng hnu ah kum 1989 atangin chanchinbu khawvel a luhchilh a, Champhaiah nitin chanchinbu – Pasaltha a tichhuak a; a thih ni thleng hian he chanchinbu editor/ publisher a ni.
Kum 2006 atangin Champhai Cable Network (CCN) a din a, Champhai khawpui chhung bakah a chhehvel khua engemawzatah a cable TV hi a pechhuak a ni.
Kum 2003 atangin a thih ni thleng hian sawrkar hriatpui journalist – accredited journalist a ni a; chanchinbu khawvel bakah infiamna lamah Champhai district tana thawh hlawk tak a ni bawk.
A nupui C Parkimi leh a fate 6 bakah tu 7 a kalsan a ni.