Seperate administration pek kan thlawp – MZP

Manipur-a tlangmite tan a hranga ro inrelna siamsak chu an thlawp tih Mizo Zirlai Pawl chuan an sawi.
MZP Gen. Hqrs. chuan Manipur-a Meitei leh Zohnahthlakte inkara buaina kalzelah an buaina chinfel thuai a nih theihna’n Zohnahthlakten rorelna hran (separate administration) nei tura an beih mek chu a tawp thlenga an thlawp zel tur thu an sawi.
Manipur-a buaina a chhuah tan atanga tun thleng theihtawp an chhuah zel thu MZP hian sawiin,Vaiphei hmeichhe pahnih, Meitei-ten khawvela hmaa an hmeichhe zahawmna nasa taka an tibawrhbang chu thinurthlak an tih thu sawiin, ZSF leh Vaiphei khawtlang hruaitute kaihhruaina hnuaiah heng vanduaina tawkte hi him taka awmin, a tul apiangah kaihhruaina pek mek zel an nih tawh thu an sawi.
Manipur-a buaina lian tak thleng mekah Mizoram sawrkar, political party, kohhran hruaitute, NGO leh mipui inpekna lawmawm an tih thu MZP hruaitute chuan an sawi a. Manipur-a Zofate chenna khaw hrang hranga an duty-na hmun an tlawh thu te, charity concert buatsaih saka damdawi thahnem tak an pek thu te, raltlanten zirna an chhunzawm theihna’n hma an lak thu te, buaina a reh thuai theihna’n Union Home minister an hmuh thu leh Prime minister hnenah lehkha an pek tawh thu te an sawi bawk.